出埃及記

終於完成特會前讀完第一次出埃及記 (我諗都讀o左成兩個禮拜...), 仲有13日就出發, 要努力完成埋第二次!!!

其實咁樣讀經法, 有好有唔好, 好o既就係真係對出埃及記熟悉o左, 我都發現o左一d之前無留意o既事, 但唔好o既就係好似好大壓力咁, 有時讀讀o下都好似唔知自己讀緊d咩咁, 眼睛跟著經文讀下去, 但腦子卻一片空白...當以色列人還未出埃及時還好, 讀十災都覺得很精彩, 可以讀得比較快, 但到了後面造這樣造那樣...真的...有點吃力...

要加油努力! 目標: 每日4章, 十日讀完第二次出埃及記!!!
更大的目標: 再睇多一次英文!

小龜

我的頭號小龜 - 攝於巴塞隆拿

太喜歡這張相了 !!!

他已經跟我去過不少地方 , 他還要繼續跟我環遊世界~~

為永恆作準備

人o係世上係要為永恆作準備的話, 神係唔係要香港人學得高層次一d? 定係香港人衰, 所以要學得辛苦d?

當我公司全球各地o既 operation offices星期六都放假o既時候, 點解淨係香港要返工? 甚至乎係外國d marketing people 來到香港, 星期六佢地有d都唔返....唔公平!!!!

要為永恆係準備, 香港人係唔係要準備得充足d?
歐洲有最高工時, 一個禮拜都係做果三幾十個鐘, 好多香港人三日都唔只啦...
某d 國家仲有暑假放, 唔係學生喎, 係成間office 放三個禮拜假, 想點?

佢地返到天家係唔係會辛苦d?

Deut...Deut...Deutschland!

好多人都問過我, "點解會鐘意德國?德國都無咩好玩, 咁悶..."

其實, 我都唔係好知, 以下可能係部分原因呱...
同其他歐洲國家相比, 德國相對地低調, 佢無意大利同西班牙o既熱情, 無英法國o既情調, 無北歐o既型格, 亦無東歐o既滄桑...

但你唔可以話佢"頭頭唔到岸", 可能係因為歷史o既緣故, 佢無奈地唔可以太高調, 唔可以太霸道, 但佢地依然擁有一種好大吸引力 -- 每一個德國人(起碼係我識果d)都有一種民族優越感, 好忠於自己係德國人, 亦好以自己係德國人為榮! 呢樣o野我好少o係香港人身上發現到, 回歸o左咁耐可能好o左, 但依然有好大部分o既香港人會話自己係"香港人", 而唔係"中國人"...(我自己都係, 但當自己出國o既機會多o左, 就會越來越認同自己係一個中國人, 同以"中國人"o既身份為榮)

而當你去一個地方係為o左旅遊同玩樂, 我好認同德國並唔係一個最好o既目的地, 但當你想去認識另一個文化, 而唔係單單去玩, 請考慮德國!

我每逢想念你們、就感謝我的 神

9月9日去了聽音樂會, 同事參加的合唱團 -- 中華聖樂團, 這晚是他們去北京表演的預演. 認識了這同事很久, 亦知道他有唱歌, 但我就未聽過... 同埋我自己都好少聽d 比較 classic o既歌, 我驚會好悶... 因為classic歌俾我o既感覺係 -- 唔o岩音!!! 我唱都覺得怪, 好難投入喎...

當晚去o左一個叫 "香港銀禧樂苑"o既地方, 雖然地方細細, 只係坐到四五十人左右, 但個感覺就同表演者好近, 好能夠感受到o個種氣氛, 其中有一首歌真係好感動, 令我不其然地滴下眼淚來...

誓言愛主
你曾用釘痕手招我 要我跟隨你一生
你曾用微聲問我 你愛我嗎? 你愛我嗎?
主你知道我是愛你 且比一切更深
去餵養我周圍小羊 奉獻身心 誓言愛你

"我每逢想念你們、就感謝我的 神", 這是保羅說的, 亦是神對我說的, 希望自己亦能有同樣的心, 能常常為身邊的人感謝神!

唔通..... 我注定係辛苦命?

呢個禮拜都唔係咁忙 (某程度上係幾得閒o下...)，硬係周身唔聚財咁，要夾硬搵ｏ野俾自己做，仲要攤慢ｏ黎做，又唔可以俾人知喎，仲辛苦過做到無停手．．．犯賤！！！

然後我同人講話我近排無咁忙，好似俾人偷聽到咁，全世界又會一齊落單，又做到隻野咁．．．我都係唔好再同人講話我得閒．．．

日日係咁返工, 好辛苦...

近來同事之間o既關係好似複雜o左, 可能因為坐o左入房, 少o左四處行呱? 但個感覺係怪怪o地囉... 可能係我自己變o左, 好似做o野會睇重o左利益, 會睇重o左呢份到底係唔係我份內事, 陰謀o左...
我自問都係一個抵得諗o既人, 只要叫親我幫手, 我都永無托手掙咁滯, 但近來 (特別係一d非常忙o既時候)我都會諗到底我應唔應該幫手, 如果我幫得你一次, 你以後都搵我咁我咪好唔掂?! 同埋, 我幫你手, 又會有人覺得我多事... 唉... 唔想返工...

I got my blog finally!

嘿!! Tiffany 居然話我唔係呢個年代o既人, 其實我都只係懶o者...
拿, Tiffany, 你得閒好上黎睇睇啦~~ (都係等我寫多d野先...)